ಹೊರಟು ನಿಂತಿದ್ದಾಳೆ ಮಗಳು
ಮದುವೆಯಾಗಿ ಮದುಮಗನ ಜೊತೆ
ಕಣ್ಣಂಚಿನ ನೀರ ಹನಿ
ಹೊಮ್ಮಿಸಿದ್ದು ಎಂಥ ಭಾವ !
ಕೋಟೆ ಬಯಲಲ್ಲಿ ಹುಟ್ಟಿ
ಪುರದಮನೆಯ ಅಂಗಳದಲ್ಲಿ
ಪುಟ್ಟ ಪುಟ್ಟ ಹೆಜ್ಜೆ ಇಟ್ಟು
ಬೆಳೆದ ಬಂಗಾರಿ
ಎಷ್ಟು ಎತ್ತರವಾಗಿದ್ದಾಳೆ !
ನಿನ್ನೆಯಷ್ಟೇ ಪೃಥ್ವಿಯ ಸೊಂಟದಲ್ಲಿ ಕುಳಿತು
ಅಳುತ್ತಿದ್ದ ಕಂದ ಇವಳೇ ಏನು ?
ಅವಳ ಬಾಳಲ್ಲಿ ಈಗ
ಹೊಸ ಅರುಣ ಉದಯ
ಹೋಗಿ ಬನ್ನಿ
ನಿಮ್ಮ ಬಾಳು ಬಂಗಾರವಾಗಲಿ
ನಾಡು, ನುಡಿಯ ಗಡಿ ದಾಟಿಯೂ
ನಗು, ಸುಖ, ನೆಮ್ಮದಿ
ನಿಮ್ಮದಾಗಿರಲಿ....
No comments:
Post a Comment